१

माझ्या खिशातल्या दोन नोटा

अचानक ब्लॅक झाल्यात

आणि मला माझा स्वत:चाच प्रचंड संशय यायला लागलाय

मी दोन नंबरचा माणूस असल्याबद्दल

माझ्या समोर रांगेतील

प्रत्येकजण ब्लॅकच्या धंद्यात सामील असल्याबद्दल

संशय घ्यायची देखील गरज नाहीये.

माझी ठाम खात्री आहे

आईच्या पर्समध्ये सापडलेल्या नोटा

तिने वर्षभर शेतात केलेल्या ब्लॅकच्या मेहनतीतून

तिला मिळालेल्या आहेत.

मुलीच्या पिगीबँकेत ही काळी नाणी

कुठून आली याविषयी कोणाकडेच हिशोब नाहीये

 

२

रांगेतले

आणि

रांगेबाहेरचे

अशा दोनच जाती आहेत माणसांच्या

 

मी कधी रांगेबाहेर असतो

कधी रांगेत

 

मी कुठे आहे

यावरून माझ्या चरित्राविषयी

अंदाज व्यक्त केला जातो

किंवा संशय

 

रांगेत असताना

मी

सेक्युरिटीवाल्याला घालतो शिव्या

वेडझवा

एकावेळी तीनजणांना आत सोडतोय

पाचजणांना सोडलं असतं

तर एव्हाना

मी काळ्याचा झालो असतो पांढरा

 

गेलो असतो रांगेबाहेर

ताठ मानेने

 

३

माझ्या खिशात

आयुष्यात पहिल्यांदाच

सापडते फेक नोट

 

माझा चेहरा

आणि चरित्र

फेक असल्याचा

संशय दाटून येतो

रांगेतल्या

इतर चेहर्‍यावर

 

चाचपतो मी माझं चरित्र

घामाघुम

फाटलेलं

 

आपल्या नकळत आपण

कसे काय उतरलो

या काळ्या धंद्यात

म्हणून मी पश्चातापदग्ध

 

कॅशियरकडून

आत्महत्येचं परवानगीपत्र घेवून

फेक नोटेच्या बदल्यात

मी रांगेतून रफादफा

 

४

पंतप्रधान रडतो

माझी छाती आणखी फुगते

डोळे आणखी बारीक

 

न्याहाळतो पंतप्रधानांचे ओले डोळे

 

मेंदूतून शिव्यांची लाखोली

चुतीयागिरिये सगळी

 

हृदय ओतप्रोत

भेंचोद

बदलाव तो पक्का आनेवाला है

 

पकावगिरी बंद कर बे